Midtvinterdansen

Midtvinterdansen (MVD) er ein nordisk folkemusikkfestival for barn og unge.  MVD blir arrangert kvart år medio februar i Verdal, Trøndelag.

I 2025  –  7.- 9. februar.  MVD består av kurs, konsertar og sosialt samvær.

​Kursdelen er primært for fele, men det blir gitt undervisning på cello, bratsj, gitar, bass, trekkspell og tangent. Alle kursdeltakarane får undervisning i song og dans. Blås er også velkommen, men det blir ikkje gitt undervisning på blås.

​Det er 3 konsertar  –  opningskonsert fredag kveld, konsert med påfølgande dans laurdag kveld –  og avslutningskonsert, “Folkemusikkgalla”,  søndag.

​MVD har kvart år 250-300 deltakarar  –  dei fleste frå Midt-Noreg, men har alltid deltakarar frå Sverige (ca. 50 dei siste åra), ofte frå Finland, dei siste åra også frå Danmark  –  og har og hatt grupper og instruktørar frå Latvia, Estland  og Tyskland.

MVD har ca. 30 instruktørar /artistar frå dei respektive landa.