Om oss

Felespelaren Hilmar Alexandersen frå Steinkjer var ein av dei største folkemusikarane i Norge og Norden på 1900-talet. Med sin heilt spesielle tone skreiv han seg inn i norsk musikksoge.

Stiftinga Hilmar Alexandersen har hovudkontor i Steinkjer og arbeider for bevaring og utvikling av tradisjonskulturen, spesielt folkemusikk og folkedans.

 

Om Stiftinga Hilmar Alexandersen

Stiftinga Hilmar Alexandersen har hovudkontor i Steinkjer og arbeider for bevaring og utvikling av tradisjonskulturen, spesielt folkemusikk og folkedans.

Formålsparagraf

Stiftinga Hilmar Alexandersen er ei ideell stifting. Stiftinga skal vere ein arena for å fremje tradisjonskultur og kultur som næring. Stiftinga har som formål å gjennomføre ein årlig folkemusikkfestival med konsertar, kurs og andre aktivitetar knytt til tradisjonsmusikk, -song og -dans gjennom Hilmar Alexandersen folkemusikkfestival og andre aktivitetar gjennom året i tråd med formålet.

Stiftinga kan i dag seiast å ha fire ulike hovudarbeidsområde:

1 – Hilmarsentret

Arbeider med immateriell kulturarv generelt. Sentret inneheld mellom anna Midtnorsk senter for folkemusikk og folkedans (MSFF) som arbeider for å utvikle sjangeren, spesielt med tanke på å styrke arrangørar, profesjonelle utøvarar og rekruttering.

2 – Arrangement

  • Hilmarfestivalen kvart år i veke 45
  • Hilmarscenen. Arrangerer konsertar året rundt i heile Trøndelag
  • HilmART –kunstprogram under Hilmarfestivalen og utstillingar gjennom året

3 – Prosjekt

Eksempel på prosjekt som Stiftinga som har gjennomført

  • Bygda Dansar i Nord-Trøndelag: Trø te’ (2011-2013) – i samarbeid med Norsk senter for folkemusikk og folkedans
  • Interregprosjektet: Bygdene Dansar (2012/13) – i samarbeid med Norsk senter for folkemusikk og folkedans
  • Nordlek-stemnet (2012) for Noregs Ungdomslag
  • Landsfestivalen for folkemusikk (2014) for FolkOrg
  • Sekretariat for Nordlek-organisasjonen (2013 – 2018)
  • Å få oppført statue av Hilmar Alexandersen (2014)
  • Hilmarfest i 10 år – jubileumsbok om Stiftinga Hilmar Alexandersen (2016)
  • Innsamling av immateriell kulturarv i Henning (2016) i samarbeid med Norsk senter for folkemusikk og folkedans
  • Trøndersk helg i Oslo – 10. – 11. mars 2017 i samarbeid med Riksscenen
  • Støtte til etableringa av Folkemusikksamlinga i Nord-Trøndelag (2017-2018)
  • Samarbeidsprosjekt mellom reiselivsbedrifter og musikarar for auka sal av trøndersk kultur (2016 – 2019).

4 – Formidling – sal

Norwegian Folk Management:

Stiftinga har eit heileigd dotterselskap: Hilmar AS, som arbeider med kommersialisering og sal av folkemusikk og folkedans og anna norsk kultur nasjonalt og internasjonalt.

Styret i Stiftinga

  • Turid Hofstad, styreleiar
  • Anne Haga, nestleiar
  • Einar Olav Larsen
  • Grete Waaseth
  • Bjørn Ludvig Bergsmo

Grunnfondsinnskytarar

  • Steinkjer Kommune
  • T:lab
  • FolkOrg
  • Steinkjer kunstforening
  • BUL i Nidaros
  • Noregs Ungdomslag
  • BUL i Steinkjer
  • Dampsaga Bad og Kulturbygg
  • Verdal juniorspellmannslag
  • Inntrøndelag Ungdomssamlag
  • Nord-Trøndelag musikkråd
  • Sør Trøndelag Ungdomslag
  • Trøndelag Folkemusikklag

Siste årsmelding

Årsmelding 2018 for Stiftinga Hilmar Alexandersen

Årsmelding for Stiftinga Hilmar Alexandersen 2017